Anuladas oficialmente as eleccións autonómicas do 5 de abril

18 Marzo 2020

A Xunta de Galicia aprobou o decreto consensuado polos principais partidos nun encontro do Goberno galego que se celebrou excepcionalmente na Estrada, na sede do 061 e onde se reúne o equipo de coordinación da crise sanitaria derivada do COVID-19. Unha decisión tomada despois de que a Xunta Electoral de Galicia, na sesión de hoxe, examinase o referido texto legal.

Neste senso, o organismo manifesta a necesidade de que para un proceso electoral se dean “as condicións adecuadas para o seu desenvolvemento en liberdade de concorrencia, votación e execución sen solución de continuidade. Todo isto como consecuencia da posibilidade das persoas de acudir libremente a actos de precampaña, campaña electoral e votacións.” Por todo isto, na situación actual, considera que “a repetición íntegra do proceso é a que mellor se axusta a estas premisas.”

Engaden que a decisión de que os comicios non se celebren o sinalado día 5 de abril pode adoptarse polo presidente da Xunta de Galicia á vista do estado de emerxencia sanitaria e Estado de alerta declarados.

Así mesmo, a Xunta Electoral de Galicia entende que a relevante función institucional da Deputación Permanente do Parlamento “non é imprescindible para o desenvolvemento deste procedemento en concreto.”

Tamén apuntan que as garantías de pluralismo, participación e transparencia do procedemento contemplado no proxecto de decreto aseguran, ao seu xuízo, as bases necesarias para que, superadas as circunstancias actuais, as eleccións se poidan desenvolver. Igualmente, entende que os elementos temporais referidos á nova convocatoria garanten o inicio do proceso en condicións de igualdade para quen interveña no mesmo.

Outros artigos

“O Barbanza: Cinco anos de xornalismo independente”

Hai cinco anos, en maio do 2019 nacía na súa edición dixital obarbanza.gal e uns días despois na de papel O Barbanza, sempre en galego e baixo a cobertura do Grupo Código Cero Comunicación. Dicíamos daquela que eramos un grupo de profesionais decididos a aventurarnos...

+

Publicidade

Revista en papel

Opinión