Atendendo ás medidas adoptadas pola Xunta de Galicia debido ao coronavirus, a Asociación Galega de Axuda aos Enfermos con Demencia tipo Alzhéimer (AGADEA) vén de anunciar que pecha tódolos seus centros e suspende as actividades ata o 30 de marzo. Esta decisión afecta aos municipios onde esta asociación presta os seus servizos, entre os que se atopa Ribeira e Boiro.
Neste senso, pregan que se respecten as medidas indicadas pola autoridade competente para preservar, de forma especial, a saúde dos maiores, polo que fan un chamamento a actuar con prudencia.
Tamén sinalan que continuarán informando puntualmente de calquera nova indicación, podendo facer un seguimento a través da súa páxina de Facebook ou da web www.agadea.org.
