O primeiro paciente que rexistrou positivo pola enfermidade en Galicia foi dado de alta da Unidade de Coidados Intensivos (UCI) do Complexo Hospitalario Universitario da Coruña ( Chuac) e atópase xa ingresado en planta. Así o anunciou o xefe da UCI do Hospital da Coruña, David Freire, que confirmou que o enfermo abandonou a UCI este domingo.
O primeiro paciente con positivo por coronavirus en Galicia foi un home de 49 anos procedente de Madrid, que viaxou ata A Coruña nun servizo de coche compartido con outra persoa para unha entrevista de traballo. O home chegou o pasado 3 de marzo ao servizo de Urxencias do Complexo Hospitalario Universitario A Coruña ( Chuac) con problemas respiratorios e diagnosticáronlle pneumonía. Ante o seu estado, fíxoselle a proba do coronavirus, que se lle repetiu con posterioridade e enviouse a Madrid, confirmando a infección por coronavirus.
