A Axencia Estatal de Metereoloxía acaba de adiantar o prognóstico do tempo para a primavera que empeza este vernes 20 de marzo , concretamente ás 4:49 hora española (3:49 UTC).
Segundo AEMET a primavera terá unha maior probabilidade de que a temperatura media sexa no tercio superior en toda España máis cálido do normal.
En canto á chuvia hai unha maior probabilidade de que en Galicia o período resulte máis seco do normal.
Sobre o inverno resultou moi cálido en Galicia, cunha anomalía media para o conxunto de Galicia de +1.5 C. De feito, foi o terceiro inverno máis cálido da serie desde 1971, só superado polos invernos 1989-90 e 1997-98, e por tanto o inverno máis cálido deste século. Tanto decembro como xaneiro resultaron cálidos (anomalías +0.9 oC) pero hai que destacar o carácter extremo dun mes de febreiro que, cunha anomalía media de +2.9 oC, resulta o máis cálido da serie histórica (1951-2020) en Galicia. A temperatura máxima absoluta do trimestre rexistrouse o 23 de febreiro en Ourense: 25.4 oC. A mínima absoluta, en Xinzo de Limia o 12 de xaneiro: – 8.6 oC. No que se refire ás precipitacións, o trimestre invernal en Galicia resultou normal. O carácter moi seco dun febreiro no que a apenas se alcanzou o 50% dos valores medios quedou compensado por un mes de decembro que se situou na fronteira entre húmido e moi húmido. Esta circunstancia, xunto a un xaneiro no que as cantidades acumuladas supuxeron o 97% dos valores normais, fixo que o trimestre decembro-xaneiro resultase normal, cunha porcentaxe para o conxunto de Galicia do 99% con respecto á media. A primeira quincena de marzo foi máis cálida do normal nas provincias de Lugo e Ourense e normal ou lixeiramente cálida nas provincias da Coruña e Pontevedra. En canto ás precipitacións, as cantidades acumuladas supoñen xa o 100 % dos valores normais do mes completo na maior parte de Galicia.
