A Policía intensifica o control nas estradas dos nosos concellos

17 Marzo 2020

O estado de alarma decretado esta fin de semana polo Goberno central co obxectivo de frear o avance da pandemia e restrinxir a mobilidade ao imprescindíbel está a materializarse nunha intensificación dos controis levados a cabo nas estradas nas rúas urbanas polos corpos policiais. O traballo das autoridades nos viarios de Barbanza estase a saldar nestes días sen grandes incidencias, alén dos primeiros expedientes cursados cara os primeiros casos de cidadáns que non puideron xustificar a súa presenza ao volante ou deambulando nas rúas.

Segundo puidemos saber, as primeiras sancións nos nosos concellos xa se comezaron a tramitar este domingo, horas despois do estado de alarma, dirixidas a cidadáns que fixeron caso omiso da obrigatoriedade de permanecer nos seus fogares agás en casos de forza maior.

No caso de Ribeira, chegouse a iniciar un expediente por mor dun local hostaleiro que estaba dando acubillo a unha festa privada, unha actividade que, do mesmo xeito que a apertura ao público en xeral, estipúlase como prohibida no decreto que acompaña ao estado de alarma.

Rianxo

A Policía Local de Rianxo está a desenvolver dende a pasada fin de semana actuacións concretas, a pé de estrada, para controlar que os desprazamentos que se fagan por estrada ou a permanencia en espazos públicos da cidadanía se leven a cabo por motivos xustificados, é dicir, que respondan aos casos concretos especificados nos decretos emitidos polo Goberno central ao abeiro do estado de alarma para frear o avance do COVID-19. Os operativos, segundo informa a Policía Local, estanse a desenvolver nas diferentes parroquias do concello, como por exemplo en Taragoña (na imaxe). Inclúen controis móbiles “para dar cumprimento ás restricións á circulación e ás medidas de emerxencia sanitaria establecidas para frear a pandemia”.

Casos xustificados

Respecto dos devanditos casos concretos para poder circular ou permanecer en lugares públicos, os corpos de Policía Local dos nosos concellos lembran que se trata dos seguintes:

· Adquisición de alimentos, produtos farmacéuticos e de primeira necesidade.

· Asistencia a centros sanitarios.

· Desprazamento ao lugar de traballo.

· Retorno ao lugar de residencia habitual.

· Asistencia e coidado a maiores, menores, dependentes, persoas con discapacidade ou persoas vulnerábeis.

· Desprazamento a entidades financeiras.

· Por causa de forza maior ou situación de necesidade.

· Calquera outra actividade de análoga natureza debidamente xustificada.

Outros artigos

“Día das Letras Galegas 2025”. Manuel Dominguez

Andrés do Barro, cantante, compositor de soul galego, grandes éxitos dende 1975 onde as linguas do Estado foron confinadas, censuradas, ata acadar o primeiro posto nas listas dos discos máis vendidos en España tres veces seguidas: primeiro en 1969 con O trem , logo en...

+

“O Barbanza: Cinco anos de xornalismo independente”

Hai cinco anos, en maio do 2019 nacía na súa edición dixital obarbanza.gal e uns días despois na de papel O Barbanza, sempre en galego e baixo a cobertura do Grupo Código Cero Comunicación. Dicíamos daquela que eramos un grupo de profesionais decididos a aventurarnos...

+

Día das Letras pasado por auga e temperaturas suben baixas

Continuamos durante o venres con inestabilidade atmosférica. Con esta situación, agárdanse intervalos nubrados con chuvascos acompañados de tormenta. As temperaturas continuarán sen cambios ou con lixeiros ascensos das máximas. Os ventos soprarán do noroeste, frouxos...

+

Publicidade

Revista en papel

Opinión