A Biblioteca da Pobra anuncia unha segunda prórroga aos préstamos que a veciñanza teña nas súas casas

25 Marzo 2020

A lectura sempre está aí para botarnos unha man, mesmo nos intres máis complicados. Esta é a mensaxe que lanza estes días a Biblioteca Municipal Victoriano García Martí da Pobra do Caramiñal, dende a que veñen de anunciar (por mor da continuidade do estado de alarma) unha nova prórroga para os préstamos de libros e outro material que teñan os fogares nas súas casas. A segunda prórroga faise efectiva dende este mércores 25 e mantense até o 11 de abril. Este prazo pode ser obxecto de novas renovacións en caso de que a situación de alarma se prolongue. A biblioteca tamén aproveitou para facer unha serie de recomendacións para estes días de confinamento, uns tempos complicados para levar a vida que levabamos antes pero moi axeitados para deixarnos carrexar pola lectura e mergullarnos noutros mundos coa axuda das nosas e nosos escritores.

“Nada mellor”, engaden, “que mentres agardamos a que pase esta emerxencia sanitaria saquemos dos estantes algún deses libros esquecidos, ler algún clásico que sempre deixabamos para unha mellor ocasión ou acudirmos ós libros dixitais”. Respecto deste último punto, a Biblioteca da Pobra recomenda que as persoas socias da Rede Galega de Bibliotecas teñen ao seu dispor a plataforma GaliciaLe (https://www.galiciale.gal/), onde continúa a funcionar o servizo de préstamo electrónico. Para calquera dúbida ou problema técnico sobre como tirar proveito da Biblioteca Dixital, as veciñas e veciños teñen á súa disposición o correo electrónico bibliotecadapobradocaraminal@gmail.com e o teléfono 981 83 16 33 (de luns a venres até as 15 h).

Outros artigos

A V Bandeira de Bateis Concello da Pobra disputarase no 31 de marzo

Este 31 e marzo disputarase finalmente a quinta edición da Bandeira de Bateis Concello da Pobra, feminina e masculina. Trátase dunha proba organizada polo Club Remo Pobra (Club Remo Puebla) co patrocinio da Concellaría dos Deportes, ademais da colaboración da...

+

Publicidade

Revista en papel

Opinión

“Cadaquén coa súa idea”. Luís Celeiro

“Cadaquén coa súa idea”. Luís Celeiro

Fóronse onte pola madrugada e arestora aínda non chegaron. Montaron nun avión para ir a “non seionde” e, despois, un tren de longo recorrido levaríaos a outro aeroporto,  para seguir o seuprograma de turismo ofertado por unha das máis importantes axencias de turismo...

“Good morning, Baltimore”. Antón Luaces

“Good morning, Baltimore”. Antón Luaces

Este xoves foron recuperados outros dous cadáveres supostamente doutros tantos obreiros da maior infraestrutura marítima de Baltimore, considerada a de máis lonxitude de Estados Unidos, que foi derrubada o pasado martes polo portacontedores "Dalí", que bateu contra a...