A Asociación Boirense de Empresarios (ABE) pon en marcha unha nova campaña de promoción comercial con motivo do Día do Pai consistente no sorteo dun vale de 100 euros para utilizar en calquera dos 101 establecementos participantes entre comercio, hostalería e servizos.
Baixo o título De tal pao, tal acha, esta iniciativa desenvolverase do 13 ao 19 de marzo e fundaméntase nos parecidos razoables, polo que buscarán saber cales son as maiores coincidencias entre os pais e os fillos dos clientes dos negocios asociados.
Para participar só hai que entrar no Facebook ou Instagram da ABE e buscar a publicación do concurso, onde se debe comentar a publicación pois “a cor de ollos, os pes planos, saber contar ben un chiste, odiar o pulpo, ter mal ou bo xenio e mesmo ser un cocinillas, calquera é valida.”
