Ao redor de cincuenta veciños e veciñas de Ribeira visitaron na Cidade da Cultura, situada no monte Gaiás, a exposición Galicia, un relato no mundo.
A expedición ribeirense estivo integrada por alumnado do ano pasado do Seminario de Lingua e Cultura Galega, por asistentes ao programa de dinamización de maiores que organiza Servizos Sociais e por estudantes do IES Leliadoura. Contou tamén coa presenza de Alicia Padín, responsable do Servizo Municipal de Dinamización Lingüística.
Con eles estivo o secretario xeral de Política Lingüística da Xunta, Valentín García.
