Portos de Galicia analiza proxectos de futuro para impulsar a actividade naútica

22 Febreiro 2020

A presidenta de Portos de Galicia, Susana Lenguas, mantivo esta semana unha xuntanza con representantes de distintos portos deportivos e clubs náuticos de Galicia co obxectivo de coñecer as perspectivas de negocio do sector para este exercicio. Nese encontro coa responsable do ente dependente da Consellería do Mar tamén se abordaron posibles proxectos de futuro coa finalidade de impulsar a actividade náutica na comunidade.
A xornada celebrada cos representantes do sector serviu para facer unha análise desta actividade en Galicia e para abordar a posibilidade de impulsar a mobilidade entre os portos deportivos galegos ao tempo que se fomenta a afección ao mar entre a cidadanía. A presidenta de Portos de Galicia tamén expuxo a necesidade de favorecer a chegada de barcos procedentes doutros portos europeos e promover Galicia como porto único así como unha ruta náutica Xacobea. Tamén analizaron a posibilidade de impulsar o uso para tránsito de prazas base que nun determinado momento non estean ocupadas.

Xuntanza de representantes de distintos portos deportivos e clubs náuticos de Galicia

Outros artigos

Publicidade

Revista en papel

Opinión

“Meus irmáns” – Xulio Xiz

“Meus irmáns” – Xulio Xiz

Fóronse meus dous irmáns: Mato, o maior, e Santi, o pequeno. O maior, morreume hai unhas semanas. O máis novo, o día do Pai. Se Xesús tivo vida longa e froitífera, Santi foise moi cedo despois de poñer unha pica en Bristol. Os tres somos tamén agora irmáns en terra:...