O grupo municipal do PSdeG-PSOE ribeirense levará a pleno dúas cuestións sobre a antiga tubaxe na praia do Prado, na parroquia de Corrubedo.
Segundo explican os socialistas, en abril do 2019 aprobouse por unanimidade a súa proposta para proceder á retirada do referido conduto, acordándose que se efectuaría despois das obras de renovación das liñas de saneamento no entorno do Campo da Agra. A formación manifesta que a actuación xa concluíu e que a tubaxe continúa no areal.
Por todo isto, farán as seguintes preguntas: “1. Cal é o motivo de que non se retirase a antiga tubería da praia? 2. Por que non o realizou a empresa construtora como así estaba recolleito na adxudicación da obra?”
