Un total de 13 veciños e veciñas participaron na xornada sobre emprego autónomo que se desenvolveu onte, xoves 13 de febreiro, nas instalacións do Viveiro de Empresas de Ribeira. De carácter gratuíto, a charla estivo dedicada a proporcionar información sobre as axudas existentes para a promoción do emprego autónomo.
A sesión divulgativa e ilustrativa estivo impartida por un técnico da Fundación Ronsel, unha entidade especializada en asesorar, apoiar e consolidar iniciativas de auto-emprego e pequenas empresas. A entidade falou en Ribeira das vantaxes e posibilidades que se abren co auto-emprego (agora que o emprego por conta allea está cada vez máis complicado para as persoas maiores de 30 anos) e co auto-emprendemento (con todo tipo de nichos, sectores e achados de innovación ao noso dispor, moitos deles perfectamente asumíbeis para calquera profesional).
