Con motivo do Entroido, o obradoiro dual de emprego sobre cociña O Pote ofrecerá este xoves 20 e venres 21 sendas degustacións de produtos típicos destas datas ás portas do mercado municipal de Ribeira. Unha iniciativa de balde que se desenvolverá en horario de 11.00 a 12.00 horas.
Posibilítase así amosar parte da aprendizaxe que están a recibir na Escola de Hostalería as quince persoas participantes neste taller que conta con nove meses de duración, estando promovido polo Concello co apoio da Xunta de Galicia.
