O grupo municipal socialista de Ribeira levará a pleno un rogo relativo á zona de aparcamento na praza Heroínas de Sálvora, situada en Santa Uxía, e que alberga diariamente un considerable número de vehículos.
Debido a que este lugar de estacionamento se atopa nunha área de ámbito comercial, o PSdeG-PSOE local solicita que, por parte da Alcaldía ou delegación de Tráfico e Urbanismo, se reconsidere a habilitación da zona de estacionamento como zona azul, co propósito de “dinamizar con máis intensidade a actividade comercial desta importante zona urbana da cidade.”
