O Hospital da Barbanza realizou 3.827 intervencións cirúrxicas e 90.598 consultas no 2019

08 Febreiro 2020

No último ano o centro comarcal, inmerso nunha obra de ampliación das urxencias, medrou significativamente en prestacións, dotación, infraestruturas e recursos humanos. O centro de Oleiros atende actualmente unha poboación de 62.869 persoas (4,6% menos que hai 10 anos).

No hospital realizaronse 77.086 probas diagnósticas, 90.598 consultas e 3.827 intervencións cirúrxicas no pasado 2019 atendendo unha poboación de 62.869 persoas (4,6% menos que hai 10 anos).

O máis destacado, e que se está a levar a cabo en canto á infraestruturas, é a ampliación das Urxencias, coa primeira e segunda fase xa rematadas. Este mércores entraron en funcionamento as novas instalacións correspondentes á fase dúas da obra.

Con respecto aos recursos humanos do centro de Oleiros, no último ano incorporáronse ao cadro de persoal 4 médicos, un celador e unha nova supervisora, amais de dúas enfermeiras e unha auxiliar para o Servizo de Diálise que incrementou o horario de asistencia permitíndolle a todos os pacientes da zona que precisen dializarse, facelo no hospital da Barbanza sen necesidade de trasladarse a Santiago.

Entre as novas técnicas cirúrxicas implantadas o ano pasado está a intervención por laparoscopia do cancro de colon e hernias inguinais. Os quirófanos sufriron reparacións dos teitos, que tamén se melloraron na zona de esterilización e de residuos. Asemade realizáronse obras para os equipos de rehabilitación cardíaca a fin de poñer en marcha esta prestación, convertendo o Hospital da Barbanza no primeiro comarcal en contar cunha unidade destas caracterísiticas.

Cómpre destacar que entre as novas prestación están as que ofrece o Servizo de Rehabilitación. Desde hai uns meses este centro conta cunha unidade de Solo Pelviano co respectivo equipamento; unha escola de ombro e ondas de choque en rehabilitación, servizo que ademais se mellorou coas obras de ampliación do ximnasio que se dotou con bicicleta, ondas de choque, desfibrilador, microondas, unha cinta, pulsómetro, tensiómetro e glucómetros.

Dende mediados do 2018 o centro conta cun novo laboratorio dotado co equipamento máis avanzado: contador dixital de fórmulas sanguíneas, axitador rotativo e de plaquetas, seladora, conxelador e neverias.


Outros artigos

Publicidade

Revista en papel

Opinión

“Cuando los socios no apoyan al Gobierno”. Arturo Maneiro

“Cuando los socios no apoyan al Gobierno”. Arturo Maneiro

Cuando las materias que pretende conseguir o las normas quequiere aprobar no les favorece de forma clara -no sacan nada enlimpio, no hay más poder o más dinero-, los socios de investidurade Sánchez no lo apoyan; entonces, leña al PP.En estos casos, los ministros y...