Boiro acolleu a presentación do proxecto do Grupo Breogan . O obxectivo é sacar partido á potencialidade da ría de Arousa. Trátase de ampliar a actividade turística actual que nestes intres potenciase de xeito separado en Arousa Norte e Mancomunidade do Salnés e as Deputacións da Coruña e de Pontevedra.
A intención do Grupo Breogán é sacar proveito da marca Arousa explotando conxuntamente recursos que van desde o Complexo Ons-O Grove o Parque Natural de Corrubedo, desde o xacemento de Adro Vello o Dolmen de Axeitos ou desde os petroglifos de Bamio e os de Rianxo.
O acto de presentación da iniciativa tivo lugar no Hotel Jopi, integrado no Grupo Breogan que ten amais o MS de Escarabote e que compoñen as familias Devesa Mascato e López Fraga. Con eles arranca unha iniciativa que busca impulsar outros proxectos paralelos para desenvolver turísticamente a comarca. A presentación do proxecto contou coa participación dos alcaldes de A Pobra e Boiro e concelleiros de Ribeira e Rianxo.
