O BNG de Ribeira pide o arranxo e instalación de fontes públicas

21 Febreiro 2020
O voceiro do BNG de Ribeira, Xosé Vázquez Cobas

O Bloque Nacionalista de Galicia de Ribeira vén de presentar unha iniciativa que pon o foco nas fontes públicas e na necesidade de mellorar ao seu mantemento, no caso de habelas, ou de instalalas nos lugares onde sexan precisas. O voceiro da formación local, Xosé Vázquez Cobas, fixo saber que a proposta está baseada no principio fundamental do acceso á auga, que debe estar sempre presente en calquera sociedade de progreso pero que, indica a agrupación, non se aplica en determinados lugares do concello. Os nacionalistas cren que Ribeira debera “comezar a dotar os seus espazos públicos de fontes de auga nas que a veciñanza poida calmar a súa sede sen ter que mercar auga embotellada”.

O voceiro da formación tamén fai fincapé na “necesidade de garantir o bo funcionamento das infraestruturas existentes”, como as fontes do paseo marítimo das Carolinas e Coroso que, “malia ser un dos máis transitados pola veciñanza”, indica, “atópanse nun estado de mantemento deplorábel”. Vázquez Cobas tamén lamenta que en obras novas como o paseo do Touro carezan deste servizo “fundamental” o que, nas súas palabras, “deixa en evidencia que o Partido Popular non planifica as obras que se realizan”.

Desde o BNG propoñen “que se instalen fontes públicas de auga potábel en espazos públicos que teñen un fluxo considerábel de persoas como prazas, parques e paseos marítimos, pois o acceso á auga é un dereito básico”. Estas medidas, din, contribuirían ademais a reducir a presenza de recipientes plásticos auga embotellada.

Outros artigos

O Concello de Ribeira reforza o alumeado público na rúa de Galicia

O Concello de Ribeira informou dun reforzamento do alumeado público nalgunhas contornas do centro urbano da cidade, concretamente no treito da rúa Galicia comprendido entre o Mercado Municipal e o cruzamento co Parque García Bayón. Segundo informaron fontes do...

+

Publicidade

Revista en papel

Opinión

“Cadaquén coa súa idea”. Luís Celeiro

“Cadaquén coa súa idea”. Luís Celeiro

Fóronse onte pola madrugada e arestora aínda non chegaron. Montaron nun avión para ir a “non seionde” e, despois, un tren de longo recorrido levaríaos a outro aeroporto,  para seguir o seuprograma de turismo ofertado por unha das máis importantes axencias de turismo...

“Good morning, Baltimore”. Antón Luaces

“Good morning, Baltimore”. Antón Luaces

Este xoves foron recuperados outros dous cadáveres supostamente doutros tantos obreiros da maior infraestrutura marítima de Baltimore, considerada a de máis lonxitude de Estados Unidos, que foi derrubada o pasado martes polo portacontedores "Dalí", que bateu contra a...