O alumnado de O Pote lócese cunha degustación de doces do Entroido no Mercado de Ribeira

20 Febreiro 2020

A primeira das degustacións de produtos típicos de Entroido ofrecida polo obradoiro gastronómico O Pote, centrado en achegar recursos de empregabilidade hostaleira dende Ribeira, saldouse finalmente cun notábel éxito dende todas as vertentes: non só pola calidade dos pratos conseguidos senón pola importante participación veciñal acadada no escenario da degustación, a mesa situada no acceso principal ao Mercado ribeirense.

Guiados polo seu profesor Patxi Movilla, os quinte alumnos que están a cursar este taller formativo prepararon na Escola de Hostalería do segundo andar do edificio unha nutrida oferta gastronómica de doces típicos (rosquillas, filloas, orellas ou flores) que logo repartiron a pé de rúa Galicia. Segundo informa o Concello, a degustación coas veciñas e veciños foi aproveitada para achegarlles información sobre o contido e obxectivos deste obradoiro de emprego.

Cómpre lembrar que O Pote é un obradoiro dual de emprego sobre cociña que se puxo en marcha no pasado 30 de outubro e ten unha duración de nove meses. Está promovido e coordinado polo Concello a través da Concellería de Emprego e Promoción Económica que dirixe Ramón Doval e conta co co-financiamento da Xunta de Galicia.

Outros artigos

Publicidade

Revista en papel

Opinión

“A vivenda” – José Manuel Pena

“A vivenda” – José Manuel Pena

É un ben de mercado para o negocio particular ou un dereito básico, fundamental e humano, como pode ser a educación, a sanidade, a prestación por desemprego ou a xubilación? A vivenda, en Galicia e no resto de España, continúa sendo un negocio e un ben de...