Medio Rural visita as obras para converter en miradoiro de 360º o pico da Muralla

19 Febreiro 2020

O conselleiro de Medio Rural, José González, visitou este mércores 19 o pico da Muralla e os traballos que se están a facer para converter en miradoiro e emprazamento de interese turístico este outeiro situado entre os concellos de Lousame e Rianxo, traballos impulsados polos gobernos locais destes dous concellos barbanzáns e que recibiron unha axuda da Consellería a través da axencia AGADER. Na súa estadía no alto da Muralla, González estivo acompañado dos rexedores de Rianxo e Lousame, Adolfo Muíños e María Teresa Villaverde.

Segundo fixo saber, o proxecto do pico da Muralla é un exemplo de iniciativa que tenta dinamizar económica e socialmente o rural ao tempo que “defende e promove os valores culturais, paisaxísticos e naturais de Galicia”.

Nas súas palabras, “a construción deste miradoiro nun entorno natural protexido e con materiais que respecten as condicións medioambientais convérteno nun reclamo para excursionistas e para camiñantes”.

As obras que se están a realizar no pico comezaron na recta final de 2019, tal e como lembramos dende O Barbanza. Trátase dunha actuación impulsada conxuntamente polos ditos concellos, contando cunha subvención da Axencia Galega de Desenvolvemento Rural (AGADER) que con 40.000 euros está a financair parte do seu custe. Ademais, conta coa colaboración de Comunidades de Montes como a do Vilar, Campelo e Cerqueiras que cedeu terreos para aparcadoiro.

Os labores de acondicionamento, xa avanzados, converterán o cumio do monte nun recurso turístico que potenciará a zona e ofrecerá unha ampla panorámica, podendo divisarse a ría de Arousa, a de Muros e Noia ou Santiago, entre outros.

Outros artigos

A exposición sobre autismo de Amicos desembarca nas rúas de Rianxo

A campaña impulsada pola asociación da nosa comarca Asociación Amicos para sensibilizar e informar á veciñanza do Barbanza sobre o autismo continúa o seu percorrido polos nosos concellos. Faino cunha exposición divulgativa que comezou a súa viaxe o 2 de abril con...

+

Publicidade

Revista en papel

Opinión

“Plácido Vila”. Xulio Xiz

“Plácido Vila”. Xulio Xiz

Vivo na Milagrosa, onde hai tempo entrar no recinto murado era “ir a Lugo”, e agora – integrados mesmo nominalmente – o que antes parecía distante, a paso setentón faise en vinte minutos, e trinta se temos a ousadía de levar o coche. O centro de saúde da rúa...

“Ser joven en España”. José Castro López

“Ser joven en España”. José Castro López

La mayoría de las sentencias judiciales pasan desapercibidas. Otras, sin embargo, sonmuy llamativas porque el veredicto recae sobre aspectos muy sensibles de la vida socialo familiar. Como ha ocurrido en Italia.Hace unos meses un tribunal obligó a dos hombres de 40 y...