Medio Ambiente informa en Casalnovo (Ribeira) das axudas deste ano para conservar espazos naturais, que veñen con 5,3 millóns

03 Febreiro 2020

A conselleira de Medio Ambiente, Ángeles Vázquez, estivo hoxe no concello de Ribeira dando a coñecer as axudas do presente ano para, nas súas palabras, “impulsar a conservación dos espazos naturais de Galicia”. A conselleira fixo balance destas partidas (que suman un importe global de 5,3 millóns de euros e que están co-financiadas polo Fondo FEADER) no núcleo de Casalnovo, na parroquia de Artes, na contorna do Parque Natural de Corrubedo, onde se están a desenvolver traballos para recuperar a importante riqueza medioambiental da zona, moi afectada polas repetidas vagas de lumes, pola presenza do eucalipto e, tamén, pola degradación xerada por unha canteira. A titular de Medio Ambiente estivo acompañada pola veciñanza e polo alcalde de Ribeira, Manuel Ruíz Rivas.

Vázquez, que lembrou que os labores desenvolvidos en Casalnovo tamén foron obxecto das ditas axudas (ao abeiro das convocatorias previas), fixo saber que destes incentivos para a conservación e o desenvolvemento sustentábel da rede de espazos protexidos, un total de 1,8 millóns de euros irán dar á media ducia de parques naturais galegos e ao Parque Nacional das Illas Atlánticas, e 1,5 millóns de euros en actuacións en ámbitos da Rede Natura.

Segundo fixo saber, “os grandes obxectivos deste tipo de axudas son conservar e revalorizar o patrimonio natural de Galicia, promover a xestión sustentábel dos recursos e mellorar a calidade de vida da poboación rural”. Nun plano máis concreto, os incentivos permiten recuperar paisaxes, construír elementos que contribúen ao ordenamento (muros, cercas, sebes), sinalar camiños e crear roteiros ou “poñer en valor elementos históricos patrimoniais ou culturais da paisaxe agraria tradicional, como hórreos, miradoiros, cabanas, valados, fontes…”.

Vázquez recordou que os traballos levados a cabo en Casalnovo comparten este espírito de conservación e posta en valor do tradicional: permitiron a rehabilitación da cuberta dun alpendre (para o que obtiveron unha axuda de 12.000 euros), e o peche da parcela cun acabado tradicional (para o que a Xunta tamén achegou outros 12.000 euros).

Outros artigos

Publicidade

Revista en papel

Opinión

“Enfermedades terminales”. José Manuel Pena

“Enfermedades terminales”. José Manuel Pena

Estos últimos días las visitas al hospital fueron frecuentes para acompañara un buen amigo que se encuentra viviendo unos difíciles momentos por sudelicado estado de salud. Esta circunstancia me abrió un poco más los ojos ala realidad del sufrimiento, el dolor, el...

“Mellor é falar”. Luís Celeiro

“Mellor é falar”. Luís Celeiro

Moitos dos lectores lembran como era aquelo de chamar por teléfono aos parentes deMadrid ou de Barcelona, ao noivo de Lleida ou de Cádiz, ao veciño emigrante en Suíza ou encalquera lugar industrial de Alemaña. Moitos aínda se acordan hoxe daquel teléfonoparroquial que...