A tenda de roupa La Urbana Store, emprazada en pleno centro neurálxico de Santa Uxía (no 27 da rúa de Galicia), vén de proclamarse gañadora do Concurso de Escaparatismo e Decoración Hostaleira que organizaron a Asociación e Empresarios e mailo Concello de Ribeira. La Urbana Store é un referente local, comarcal e galego en roupa, complementos e tendencias. Como lembraremos, abriu as súas portas hai case dous anos da man do emprendedor local Álvaro Muñiz, que comezou a súa aventura comercial en Ribeira co arela de achegar un alternativa “multimarca” para xente desenfadada e con gusto polos estilos urbanos.
Volvendo ao premio concedido, tivo como a base a decisión dos votantes no certame, que escolleron La Urbana entre os 27 establecementos participantes tal e como se comprobou ao efectuar o correspondente escrutinio no Centro Cultural Lustres Rivas o 21 de xaneiro.
O alcalde Manuel Ruiz e o presidente do colectivo empresarial, Francisco Martínez; así como os concelleiros Ramón Doval e María Sampedro, desprazáronse ata a tenda situada da rúa de Galicia para entregar a Álvaro Muñiz o obsequio e o diploma conmemorativos do concurso de decoración, ideado coa finalidade de contribuír á dinamización do tecido comercial do municipio.