Axentes da Policía Nacional adscritos á comisaría de Ribeira, procederon á detención dun home de 45 anos natural de Ribeira, como presunto autor dun delito contra a saúde pública na súa modalidade de tráfico de drogas. No marco dun dispositivo establecido para a prevención do tráfico de drogas na localidade, os policías encargados do mesmo procederon á interceptación e identificación dun home, localizándolle entre as súas pertenzas dúas bolsas de pequeno tamaño e con peche hermético, contendo as mesmas una certa cantidade de cocaína e heroína, respectivamente. Intervénselle ademais ao detido a cantidade de 359,60 euros en efectivo en billetes e moedas de diverso valor, dous terminais telefónicos e efectos para ocultar as substancias mencionadas. Ao detido cónstanlle antecedentes policiais por feitos similares. Tras tramitarse as correspondentes dilixencias policiais foi posto ao dispor da autoridade xudicial.
