Outra vez temos que concentrarnos para condenar o asasinato machista dunha veciña de Lugo, no que vai de ano xa van 10 as mulleres asasinadas. Amosemos a nosa solidariedade este luns 10 as 20h na Praza do Concello de Ribeira e as 20.30 en Noia tamén diante do Concello.
Con este crime xa son 64 as mulleres asasinadas en Galicia desde o ano 2003 (ano de comezo dos rexistros oficiais), dos que dous se rexistraron este ano. O Ministerio da Interior conta cun Sistema de Seguimento Integral de Casos de Violencia de Xénero ( Viogen), que mantén activos en Galicia preto de 3.600 casos. O teléfono 016 recibiu en Galicia 2.561 chamadas no ano 2019. Ademais, só entre xaneiro e setembro rexistráronse máis de 5.000 denuncias policiais por violencia machista, incoáronse 1.500 ordes de protección e activáronse 57 dispositivos de control telemático de agresores. Respecto ao apoio á vítima, sinalar que en Galicia hai 625 usuarias do servizo ATEMPRO (servizo telefónico de Atención e Protección a Vítimas de violencia de xénero), e que en 2019 foron 188 as vítimas perceptoras de axudas concedidas de acordo á Lei orgánica 1/2004 de medidas de protección integral contra a violencia de xénero.
