Esta pasada fin de semana produciuse un novo encontro da Aula Galega de Saxofón. O mestre Rodrigo Vila ofreceu un concerto no salón de actos do Conservatorio ribeirense no que incluía transcricións e pezas orixinais para saxofón alto e soprano. Así, o público asistente tivo a oportunidade de escoitar obras de Johann Sebastian Bach, Luciano Berio, François Rossé e Javier Girotto.
O próximo encontro celebrarase en marzo, o cal contará tamén con concertos. Nesta ocasión, a pianista I-An Chen desprazarase ata Ribeira e acompañará ao alumnado da Aula e ao propio Rodrigo Vila os días 19 e 20. Unha semana despois, cinco estudantes viaxarán ata o Mallorca Saxophone Festival para participar cun concerto na ‘Tribuna de Jóvenes Intérpretes’ de dito certame.
