Aprobado o inicio da tramitación para a contratación da nova estación de autobuses de Ribeira

24 Febreiro 2020

O Concello ribeirense vén de comunicar o inicio da tramitación administrativa dirixida á contratación da nova estación de autobuses de Santa Uxía que se vai emprazar no entorno do mercado municipal, fronte á praza Heroínas de Sálvora. Concretamente, iniciáronse os trámites para encargar a construción da pérgola que, cunha lonxitude de 67’75 metros, servirá de apeadoiro e, tal e como manifestan, “está chamada a ser un novo elemento singular e característico no municipio.”

A infraestrutura estará conformada por cinco grandes bóvedas en forma de tella -de 14’35, 13’14, 11’56, 14’91 e 13’79 metros de longo-, con alturas que oscilan na parte superior entre os 4’15 e os 4’65 metros. Os arquitectos responsables da mesma, Santiago Rey Conde e Ismael Ameneiros Rodríguez, defínena como “un deseño atemporal, non lineal, con zonas de espera sentadas, espazos abovedados que amplían o espazo, formas alargadas que permiten proxección a gran cantidade de xente.”

A pérgola estará orientada lonxitudinalmente en sentido norte-sur para minimizar a exposición  aos ventos do sur. Así mesmo, contará con viseiras de protección a leste e oeste que tamén protexerán fronte aos ventos ao tempo que ofrecen zonas de espera cubertas para os autobuses.

No que respecta aos materiais, empregarase formigón coloreado, ademais de inserir lucernarios de vidro circulares para aportar luz natural e un revestimento exterior con elementos cerámicos para protección das cubertas e impermeabilización, maior resistencia ao ambiente mariño e como imaxe característica do conxunto.

Ademais, o proxecto técnico inclúe a introdución de vexetación para a mellora de condicións ambientais e mobiliario urbano que axude a dar carácter e definir os espazos, emprazados sobre unha superficie de 1.300 metros cadrados no remate da avenida do Malecón.

O prazo de execución desta obra ascende a nove meses e o seu orzamento é de 298.000 euros, IVE incluído.

Cómpre lembrar que, xunto a esta intervención, tamén está prevista unha consistente na remodelación dunha das naves portuarias próximas ao apeadoiro co obxectivo de atribuírlle un novo uso para despacho de billetes, aseos e outros servizos, incluíndo unha cafetería.

Outros artigos

Fallados os galardoados do XV Premio Internacional de Gravado Atlante

Participan no fallo do xurado, 260 obras de 175 participantes a nivel internacional, procedentes de países como Alemania, Arxentina, Brasil, Chile, España, Estados Unidos, Puerto Rico, Uruguay, México, Perú,Cuba, Francia, Rusia, Canadá, Italia, Portugal, Tailandia,...

+

Publicidade

Revista en papel

Opinión

“Cuando los socios no apoyan al Gobierno”. Arturo Maneiro

“Cuando los socios no apoyan al Gobierno”. Arturo Maneiro

Cuando las materias que pretende conseguir o las normas quequiere aprobar no les favorece de forma clara -no sacan nada enlimpio, no hay más poder o más dinero-, los socios de investidurade Sánchez no lo apoyan; entonces, leña al PP.En estos casos, los ministros y...