A exposición Mis etapas do pintor noiés Manuel Romero permanecerá maior tempo do previsto no Centro Cultural Lustres Rivas de Ribeira, ao ampliarse a súa duración ata o 7 de marzo, debido a que, tal e como manifestan desde o Concello, tras o recente falecemento do artista se producise “un sensible repunte no número de visitas e se recibisen demandas para que se prolongase uns días máis.”
No transcurso da próxima semana, as visitas poderán realizarse de luns a xoves, en horario de 10.00 a 14.00 horas, así como o venres e sábado, de 10.00 a 14.00 e de 19.00 a 21.00 horas.
Cómpre lembrar que a exposición está integrada por 26 obras -23 óleos e 3 esculturas- creadas por un autor que se formou en Londres, man a man con xenios recoñecidos da arte contemporánea mundial tales coma David Hockney ou Lucian Freud.
