Amicos súmase á celebración do Entroido

21 Febreiro 2020

Con motivo do inicio do Entroido, os usuarios e usuarias da Asociación Amicos decidiron festexar estas datas e lucir os disfraces que estiveron preparando os pasados días, ademais de engalanar as instalacións coas súas creacións. Como cada ano, constituíndo esta a décima edición consecutiva, desenvolveuse un desfile no que puideron concursar todos aqueles que así quixeron para captar a atención do xurado e obter algún dos premios. A novidade deste 2020 foi o concurso de comparsas, composta por tres grupos: policías e cacos, pallasos e astronautas e extraterrestres.

Debido á dificultade que tivo o xurado para elixir un único gañador, o primeiro galardón da modalidade individual repartiuse entre dous participantes, Carolina e Domingo, disfrazados de espantallo. O segundo posto recaeu en Adrián, vestido de soldadiño de chumbo; mentres que o terceiro foi para Roberto, como Robin Hood. Por outra banda, a comparsa distinguida foi a de policías e cacos, aos que non lles faltou detalle dispoñendo de carro propio para que os ladróns non escapasen.

Unha vez finalizado o concurso, puideron desfrutar dunha comida típica destas datas, incluíndo cocido, rosquillas e filloas. Xa pola tarde, teñen lugar diferentes actividades de lecer tales coma karaoke, baile e xogos populares, entre outros.

A Asociación Amicos sempre organiza festas desta índole, como sucede co Nadal, Samaín, San Xoán, etcétera. Segundo manifestan, o obxectivo é fomentar o espírito de grupo ao tempo que se fan partícipes aos usuarios da súa contorna social, tamén no aspecto lúdico e avanzar cara a plena integración social das persoas con discapacidade.

Outros artigos

Publicidade

Revista en papel

Opinión

“Cariño: un pequeno gran punto negro contaminante”

“Cariño: un pequeno gran punto negro contaminante”

Non se sabe con exactitude o grao de contaminación que pode provocar en Galicia unha empresa que, como Altri (en Palas de Rei, Lugo), vai utilizar o eucalipto como materia prima a partir da que extraer fibras téxtiles; máis é evidente que existe medo ao que a...

“Tiempos verbales”. Alberto Barciela

“Tiempos verbales”. Alberto Barciela

No sé en que justo momento, si es que lo hubo alguna vez, perdimos el rumbo político y el social. No identifico en qué instante se distrajeron las referencias de los valores esenciales para la convivencia, para el entendimiento, para la discusión constructiva y la...