Axentes da Policía Nacional adscritos á comisaría de Ribeira detiveron a un varón de 44 anos como presunto autor dun delito contra a saúde pública na súa modalidade de tráfico de drogas.
No marco dun dispositivo establecido para a prevención do tráfico de drogas na localidade ribeirense, os policías encargados do mesmo procederon á interceptación e identificación dun individuo, localizando entre as súas pertenzas varias bolsiñas termo seladas, as cales contiñan certa cantidade de heroína, ademais doutras con aproximadamente 20 gramos de cocaína. Así mesmo, interviñéronselle máis de 700 euros en efectivo en billetes e moedas de diverso valor, dous teléfonos e outros efectos.
Tras tramitarse as correspondentes dilixencias policiais, o detido, ao cal lle constan antecedentes por feitos similares, foi posto a disposición da autoridade xudicial.
