Do 7 ao 14 de febreiro, a Asociación de Empresarios de Ribeira, en colaboración co Concello, impulsou unha campaña co obxectivo de fomentar as comprar no comercio local con motivo da celebración do Día dos Namorados, durante a cal se sorteaban dúas fins de semana nun balneario. Os premios recaeron en Iria Crujeiras, a través do establecemento Bio Habitat; e María Dolores García, mediante Teresa Arreglos de Confección. Ambas gañadoras recolleron o premio da man do presidente da patronal ribeirense, Francisco Martínez, e do concelleiro de Relacións Institucionais, Turismo, Promoción e Dinamización Económica, Ramón Doval.
