A mostra Vístete de Entroido! continúa dispoñible no Museo Valle-Inclán

O Museo Valle-Inclán da Pobra do Caramiñal dará cabida ao longo de todo o mes de marzo e o que resta de febreiro á exposición Vístete de Entroido!, a cal se inaugurou na tarde do venres 21, enmarcada na programación propia destas datas que se desenvolve no municipio pobrense. A mostra está composta por máscaras, vestiarios e figurinos de obras do máximo expoñente do esperpento.