Máis de 120 estudantes dos colexios de Aguiño e Carreira asistiron esta mañá ao Centro Cultural Lustres Rivas de Ribeira coa finalidade de coñecer a exposición Mis Etapas, do noiés Manuel Romero, quen faleceu recentemente.
A rapazada realizou a visita guiada repartida en dúas quendas: unha primeira composta por 76 alumnos do CEIP Heroínas de Sálvora e unha segunda con 47 do CEP de Carreira. O encargado de ofrecerlles o percorrido pola obra do nomeado artista foi Elías Romero Tubío, estudante de Historia da Arte en prácticas no Concello ribeirense.
A referida mostra consta de 23 óleos e 23 esculturas, permanecendo aberta ao público ata o 29 de febreiro.
