A Garda Civil desenvolveu estes días unha serie de dispositivos especiais de control de consumo de bebidas alcólicas e drogas con motivo da celebración do Entroido nunha manchea de localidades galegas, entre as que se atopaban (no que respecta á provincia da Coruña) as cidades de Ribeira, A Coruña, Narón e Santiago. Os operativos, levados a cabo en colaboración coas Policías Locais dos ditos concellos, deron comezo ás 00:00 horas do pasado día 22, finalizando ás 07:00 horas deste mércores 26 de febreiro. Establecéronse un total de 176 puntos de verificación de condución baixo a influencia de bebidas alcohólicas e /ou sustancias estupefacientes, controlando a máis de 6.467 condutores.
O balance do mencionado dispositivo especial foi o seguinte:
· 13 condutores investigados como supostos autores dun delito contra a seguridade viaria, ao conducir baixo a influencia de bebidas alcohólicas, 12 deles tras realizar a proba nos dispositivos e o outro tras sufrir un accidente.
· 114 denuncias administrativas por conducir baixo a influencia de bebidas alcohólicas, das cales 3 confeccionáronse tras efectuar a proba a condutores despois de sufrir un sinistro.
· Até 7 denuncias administrativas a condutores por conducir con presenza de sustancias estupefacientes no seu organismo.
· Até 9 condutores investigados por carecer de permiso de condución vixente por sentenza xudicial, ter esgotado o crédito de puntos por resolución firme ou non obtelo nunca.
