No viveiro de empresas de Ribeira celebrouse hoxe o acto de clausura e entrega de diplomas dos cursos de Hixiene alimentaria e manipulación de alimentos e Operador/a de carretillas elevadoras organizados de xeito gratuíto polo Concello a través da Concellería de Promoción e Dinamización Económica.
En total, participaron 28 persoas, o máximo do aforo nas dúas accións formativas: 18 na de manipulación de alimentos e 10 na de operador/a. Desde o Concello manifestan que, debido á gran aceptación dos cursos, resultou preciso facer un sorteo público en ambas modalidades, xa que o número de inscritos na primeira foi de 30 e na segunda de 43.
O edil Ramón Doval encargouse da entrega de diplomas nestas accións formativas que se veñen celebrando anualmente desde o 2016 e que contan con numerosos participantes.
