A compañía Carauta Teatro escenificará a obra un! dous! tres! o venres 17, ás 21.30 horas, no Auditorio municipal de Ribeira a beneficio do Centro de Día de AGADEA na localidade. A representación, dunha hora de duración, rescata a temática da película homónima de Billy Wilder, sobre a Guerra Fría, empregando un ton divertido e irónico.
A peza teatral é apta para un público maior de 13 anos e vén precedida por un gran éxito de espectadores. O prezo da entrada establécese nos 5 euros, podendo adquirirse o mesmo día, a partir das 20.00 horas, na mesa informativa que AGADEA disporá no Auditorio.
