Tal como informamos en O Barbanza o temporal que provocou a borrasca Brendan deixou un regueiro de incidencias este xoves na comarca. A autoestra AC-303 en Ribeira abrirá o martes. Unha focha de 3 metros de diámetro cortou o tráfico desde o xoves. O corte afecta desde o Colexio de Olveira ata o cruzamento de Espiñeirido.
Ribeira, A Pobra, Boiro, Rianxo e Porto do Son foron os concellos con máis incidencias de Galicia. Un dos seus efectos máis importantes foi o corte ao tráfico da estrada AC-303, en Ribeira, no quilómetro 4,40 en ambolos dous sentidos e foi provocado por unha enorme focha de 3 metros de diámetro, “aínda que en superficie é de 1 metro”, o que obrigou a cortar a estrada. A incidencia afecta á circulación que cruza a zona oeste do concello ribeirense, desde Artes ata Corrubedo. Estrada que sufría ata catro puntos de inundación xa que os colectores non deron abasto.