SEA e o Colexio de Enxeñeiros Industriais queren facer avanzar a sustentabilidade dos polígonos

31 Xaneiro 2020

A xerente de SEA (Suelo Empresarial del Atlántico), Beatriz Sestayo, mantivo este venres unha xuntanza co decano do Colexio Oficial de Enxeñeiros Industriais de Galicia, Oriol Sarmiento, co fin de estudar xeitos de optimizar a sustentabilidade dos parques empresariais de SEA, entre os que se atopan o de Rianxo e A Pobra do Caramiñal (amais doutros 11 complexos industriais galegos). Na cita, na que tamén participou o delegado na Área de Santiago do Colexio, Fernando Blanco, púxose de manifesto a boa sintonía acadada para pór en práctica fórmulas conxuntas de crecemento racional, respectuoso co medio ambiente e eficiente.

De feito, Sestayo sinalou que a sustentabilidade é un dos “elementos base para impulsar o crecemento das áreas industriais e clave para o seu presente e o seu futuro”. Pola súa banda, Oriol Sarmiento e Fernando Blanco Silva deron a coñecer a actividade do Colexio e fixeron fincapé na “necesaria consideración dos enxeñeiros industriais como os técnicos formados e preparados de xeito específico en materia de polígonos e parques empresariais”.

Como lembraremos, Suelo Empresarial del Atlántico é unha sociedade participada nun 83,44% polo Ministerio de Transportes, Mobilidade e Axenda Urbana, a través de SEPES; nun 14,26% pola Consellería de Medio Ambiente da Xunta de Galicia, a través do Instituto Galego da Vivenda e Solo; nun 1,65% por Abanca e un 0,65% pola Xunta, e creada co obxectivo de desenvolver e comercializar parques empresariais en Galicia. SEA xestiona na actualidade 13 parques empresariais en Galicia, que suman máis de 4 millóns de metros cadrados e situados na provincia de Lugo (Monforte de Lemos, Mondoñedo, Chantada e Rábade), na da Coruña (Malpica, Vimianzo, Cee, A Laracha, A Pobra do Caramiñal, Muros e Rianxo) e na de Pontevedra (Vilanova de Arousa e Catoira).

Outros artigos

Publicidade

Revista en papel

Opinión

“Plácido Vila”. Xulio Xiz

“Plácido Vila”. Xulio Xiz

Vivo na Milagrosa, onde hai tempo entrar no recinto murado era “ir a Lugo”, e agora – integrados mesmo nominalmente – o que antes parecía distante, a paso setentón faise en vinte minutos, e trinta se temos a ousadía de levar o coche. O centro de saúde da rúa...

“Ser joven en España”. José Castro López

“Ser joven en España”. José Castro López

La mayoría de las sentencias judiciales pasan desapercibidas. Otras, sin embargo, sonmuy llamativas porque el veredicto recae sobre aspectos muy sensibles de la vida socialo familiar. Como ha ocurrido en Italia.Hace unos meses un tribunal obligó a dos hombres de 40 y...