Coa finalidade de conmemorar o Día da Ilustración, o Centro Cultural Lustres Rivas anexo á Biblioteca municipal de Ribeira albergará mañá, sábado 25, unha nova función de contacontos. Trátase de Maruja Mallo. Meiga nova, metade anxo, metade marisco, que representará Polo Correo do Vento. A sesión incluirá un obradoiro de debuxo para cativos con idades comprendidas entre os 3 e 12 anos.
A actividade dará comezo ás 12.00 horas e está promovida desde a Concellería de Educación a través do Servizo Municipal de Normalización Lingüística.
