Rianxeira comeza o ano cun novo reto #RianxeiraQuizz no seu Facebook

Co inicio do novo ano, a conserveira boirense JEALSA Rianxeira lanzou no seu Facebook un novo desafío para os seus clientes e para os usuarios en xeral da rede social: o reto Rianxeira Quizz (a edición deste xaneiro de 2020 acabado de estrear), no que poderán participar todos os membros da comunidade de Facebook maiores de idade residentes en España e que sexan seareiros do espazo propio da conserveira. O obxectivo, segundo avanza a empresa, é premialos pola súa fidelidade.

A mecánica desta nova edición do quizz consiste novamente en lanzar aos seareiros unha pregunta sinxela á que deberán responder: convídase a que descubran o nome dun produto de Rianxeira que aparece sen envase na publicación (terán que responder no propio post). Neste #RianxeiraQuizz de xaneiro o produto que deu “o chimpo do seu envase” é coñecido por ser rico en Omega 3, segundo fai saber a conserveira.

Igual que na anterior edición, durante todo este mes de xaneiro iranse contabilizando todas as respostas dos usuarios e, ao rematar, na data indicada nas bases legais, darase por concluído o certame e procederase a un sorte aleatorio. O gañador ou gañadora conseguirá de premio un lote variado de produtos Rianxeira, que contactará coa persoa agraciada a través dunha mensaxe privada de Facebook.