Os plans de actualización para docentes chegan a catro novos centros de Arousa Norte

22 Xaneiro 2020

Catro centros educativos dos concellos de Arousa Norte veñen de incorporarse aos plans de formación permanente do profesorado que o Goberno galego adica a actualizar e perfeccionar as competencias profesionais dos docentes, “precisas para responder aos retos educativos actuais”. Estes centros acabados de adherirse son o IES Pobra do Caramiñal, o IES Espiñeira de Boiro, o IES Leliadoura de Ribeira e o CEIP Plurilingüe de Palmeira, aos que cómpre engadir, a nivel de Barbanza, o CEIP de Campanario en Porto do Son e o CPI Cernadas de Castro de Lousame.

Os devanditos centros incorpóranse a unha rede formación docente que xa está integrada, entre outros, polo CEIP Pilar Maestu Sierra e o EEI Fernández Varela (A Pobra), os CEIP de Cespón, Escarabote, Abanqueiro, Praia Xardín, Santa Baia, Santa María do Castro, os IES A Cachada e Praia Barraña (Boiro), os CEIP Castelao, Ana María Diéguez e Brea Segade e o IES Félix Muriel (Rianxo), e os CEIP de Olveira, Aguiño, Frións, Artes, Ribeira e Carreira (Ribeira) e o CIFP De Coroso, o EEI Deán Grande e o IES número 1 de Ribeira.

Na iniciativa, como se pode comprobar, entran en xogo centros públicos que imparten Primaria, ESO e Bacharelato. A convocatoria dos plans de formación permanente para o profesorado veñen cunha ducia de liñas de traballo, entre as que se sinala como prioritaria a de deseño e desenvolvemento curricular. Ademais desta liña os plans poden abordar a planificación estratéxica das linguas no centro, a integración didáctica das TIC (Tecnoloxías da Información e a Comunicación), a escola inclusiva e atención á diversidade, a convivencia escolar e clima da aula, a actualización científica e didáctica do profesorado, a mellora da xestión dos centros, os programas europeos e internacionais, a biblioteca escolar, as iniciativas formativas no ámbito STEM (Ciencia, Tecnoloxía, Enxeñaría e Matemáticas polas súas siglas en inglés) e a orientación vocacional e profesional.

Outros artigos

O novo Auditorio de Ribeira abrirá o sábado 1 de xuño

O novo Auditorio Municipal de Ribeira abrirá as súas portas o sábado 1 de xuño e para celebrar a súa apertura, a Concellería de Cultura está a organizar unha programación especial que se estenderá ao longo de todo o mes. Esta coincidirá co "Xuño dá Cultura e as...

+

Publicidade

Revista en papel

Opinión

“Enfermedades terminales”. José Manuel Pena

“Enfermedades terminales”. José Manuel Pena

Estos últimos días las visitas al hospital fueron frecuentes para acompañara un buen amigo que se encuentra viviendo unos difíciles momentos por sudelicado estado de salud. Esta circunstancia me abrió un poco más los ojos ala realidad del sufrimiento, el dolor, el...

“Mellor é falar”. Luís Celeiro

“Mellor é falar”. Luís Celeiro

Moitos dos lectores lembran como era aquelo de chamar por teléfono aos parentes deMadrid ou de Barcelona, ao noivo de Lleida ou de Cádiz, ao veciño emigrante en Suíza ou encalquera lugar industrial de Alemaña. Moitos aínda se acordan hoxe daquel teléfonoparroquial que...