Os moitos atractivos do Camiño de Barbanza, en FITUR

23 Xaneiro 2020

Un ano máis, a comarca do Barbanza ten moito que dicir no salón referencial de turismo estatal e europeo: FITUR. Entre as moitas entidades, organizacións e empresas que xa están en Madrid dando conta das nosas potencialidades en materia de riqueza social e turística sustentábel atópase a Asociación Amigos do Camiño de Santiago (A Orixe), que, en colaboración coa Mancomunidade Arousa Norte e os concellos integrados nestas entidade (Ribeira, A Pobra do Caramiñal, Boiro e Rianxo), participan na feira, xunto cos concellos de Padrón e Dodro, presentando o Camiño de Santiago do Barbanza. A orixe. Trátase dun itinerario que partido do Faro de Corrubedo, como punto máis occidental do mesmo, conflúe na Colexiada de Iria Flavia co Camiño Portugués e segue logo en dirección a Compostela.

Nas presentacións estarán presentes Irene Maneiro Paz, coordinadora técnica de Arousa Norte e Manuel Ruiz Rivas, presidente da mancomunidade, sendo asistidos por Manuel Mariño Nin e Antonio González Millán, presidente e secretario (respectivamente) da Asociación Amigos do Camiño do Barbanza. A Orixe.

Para mostrar todos os atractivos do itinerario comarcal, ao longo destas xornadas será exhibido o vídeo promocional producido por Lesmes Fotógrafos, patrocinado por Arousa Norte e documentado por colaboración desta Asociación de Amigos do Camiño.

Entre as iniciativas promovidas pola asociación para esta cita cos operadores turísticos e colectivos profesionais do sector, figura a edición e distribución dun folleto publicado en catro linguas (galego, español, inglés e alemán) para dar a coñecer aos viaxeiros este Camiño Xacobeo por vía terrestre que une as antigas Terras de Santiago do Barbanza, Sar e Compostela. Inclúe textos e imaxes escollidos para facer descubrir, en palabras da asociación, “lugares de tradicións milenarias e testemuñas centenarias do patrimonio cultural en relación co fenómeno xacobeo”. A edición, por certo, está patrocinada pola empresa pobrense CONGALSA.

Outros artigos

O novo Auditorio de Ribeira abrirá o sábado 1 de xuño

O novo Auditorio Municipal de Ribeira abrirá as súas portas o sábado 1 de xuño e para celebrar a súa apertura, a Concellería de Cultura está a organizar unha programación especial que se estenderá ao longo de todo o mes. Esta coincidirá co "Xuño dá Cultura e as...

+

Publicidade

Revista en papel

Opinión

“Plácido Vila”. Xulio Xiz

“Plácido Vila”. Xulio Xiz

Vivo na Milagrosa, onde hai tempo entrar no recinto murado era “ir a Lugo”, e agora – integrados mesmo nominalmente – o que antes parecía distante, a paso setentón faise en vinte minutos, e trinta se temos a ousadía de levar o coche. O centro de saúde da rúa...

“Ser joven en España”. José Castro López

“Ser joven en España”. José Castro López

La mayoría de las sentencias judiciales pasan desapercibidas. Otras, sin embargo, sonmuy llamativas porque el veredicto recae sobre aspectos muy sensibles de la vida socialo familiar. Como ha ocurrido en Italia.Hace unos meses un tribunal obligó a dos hombres de 40 y...