Os empresarios de Ribeira reiteran a necesidade de incrementar os efectivos da Policía Nacional na localidade

16 Xaneiro 2020

A Asociación de Empresarios de Ribeira vén de presentar un escrito na Subdelegación do Goberno na Coruña no que lle fan chegar á representación provincial do Goberno estatal a súa fonda preocupación pola vaga de roubos que está a asolagar o concello dende hai meses: unha lacra que se ceba nos establecementos da cidade de calquera sector e ante a que as empresarias e empresarios séntense indefensos.

No comunicado a asociación volve reclamar reclama ao Goberno central o incremento de efectivos na Comisaría de Policía Nacional ao tempo que aclara que a súa intención, en anteriores comunicacións, “nunca foi cuestionar a eficacia do corpo”, ao que felicitan polos seus fitos recentes en materia de eficacia, senón poñer de manifesto as carencias que se derivan do feito de só estea dispoñíbel “unha patrulla en Ribeira, o que constitúe un escaso número de efectivos que impide prestar o servizo coas garantidas axeitadas á cidade, posto que a custodia dun detido no permitiría a dispoñibilidade da patrulla para outros servizos”.

A asociación aclara tamén que a petición pretende mostrar a necesidade de previr o delito e actuar en relación coa presenza de “toxicómanos e pequenos traficantes” que transmiten, en palabras da entidade, “unha imaxe de inseguridade e temor á poboación”, que repercute tamén negativamente na actividade dos establecementos comerciais. A entidade tamén fai saber que “a nosa solicitude de incremento de dotación de efectivos na Comisaría de Ribeira é reflexo do sentir común dos empresarios, comerciantes e cidadáns de Ribeira”.

Outros artigos

Falece unha ribeirense de 50 anos atopada no chan da súa casa

Unha muller de 50 anos, cuxa identidade responde as iniciais T.M.M., faleceu esta noite na súa casa da céntrica Rúa Méndez Núñez, de Ribeira. Segundo informa o Diario de Arousa , foi a súa parella a que ao redor das oito do serán chamou o 112 para comunicar que non...

+

Publicidade

Revista en papel

Opinión

“Oporto”. Alberto Barciela

“Oporto”. Alberto Barciela

Oporto puede seguirse en el sentido serpenteante de un río, o en la vertical de un océano, ascenderse o descenderse por meandros encajados en calles que a veces semejan acantilados, que siempre se precipitan hacia agua, una urbe universal cerca del tiempo que le tocó...