O piano de Dieste e a tradición musical galego-portuguesa centran unha nova cita en Rianxo

20 Xaneiro 2020

Este xoves 23 a recentemente remodelada Casa-Museo de Rafael Dieste na vila de Rianxo vai seguir a súa traxectoria ascendente como espazo cultural simbólico e dinamizador cunha charla-concerto que lle toca de preto, temática e patrimonialmente: as Conversas na de Dieste, que terán como protagonista ao propio autor rianxeiro (poñendo o foco no seu piano persoal, un Ortiz & Cusso datado a comezos do século XX, que constitúe un dos grandes tesouros da súa colección de obxectos materiais, recuperado para este proxecto local da Casa-Museo).

O histórico instrumento será o fío condutor dunha charla con José Luís do Pico Orjais, investigador musical da Illa de Arousa (malia ter nacido no Grove) e co-fundador do proxecto Folque e a banda Leixaprén, entre outras iniciativas referenciais de reivindicación da nosa tradición musical galego-portuguesa.

A Charla de José Luís do Pico será complementada cunha intervención musical a cargo de Barahúnda (A música de Barahúnda nas cantigas de amor e de amigo).

A actividade vén da man da Asociación Cultural Bubela de Abuín, coa colaboración do Concello de Rianxo. Será o día 23 de xaneiro a partir das 20.30 horas.

Outros artigos

As augas de Tanxil, As Cunchas e Torre, cualificadas de excelentes

O Concello de Rianxo informou esta semana que as tres praias locais incluídas no Rexistro de Augas de Baño de Galicia (Tanxil, As Cunchas e A Torre) foron cualificadas polo Servizo Galego de Saúde como de “calidade excelente". Ademais, os tres areais están incluídos...

+

Publicidade

Revista en papel

Opinión

“A vivenda” – José Manuel Pena

“A vivenda” – José Manuel Pena

É un ben de mercado para o negocio particular ou un dereito básico, fundamental e humano, como pode ser a educación, a sanidade, a prestación por desemprego ou a xubilación? A vivenda, en Galicia e no resto de España, continúa sendo un negocio e un ben de...