A tres semanas para que a Xunta de Galicia asuma a xestión da depuradora de Couso a administración local ribeirense aínda non decidiu como aplicar a correspondente tasa e descoñece como vai facer fronte o custe do servizo e como repercutila entre os veciños. O alcalde, Manuel Ruiz, reunirá ós portavoces políticos o 15 para analizar a situación. A partir do 20 fixará unha reunión con eles e cos representantes da plataforma de afectados pola EDAR. Non descarta convocar un pleno extraordinario e urxente antes do 31 deste mes.
