Novo record na venda de berberecho en Galicia. Rianxo a que mais crece e Noia á cabeza

Ao longo do 2019 as rulas galegas comercializaron 3.440 toneladas de berberecho fronte ás 2.482 toneladas do 2018, un incremento do 38,6%. A facturación obtida pola venda do produto ascendeu ata os 21,5 millóns de euros, un aumento do 39% xa que hai dous anos a cifra foi de 15,4 millóns de euros. Os tres portos con máis venda deste bibalvo foron Noia, Carril e Rianxo, xa que xuntos concentran o 83% das descargas (2.860 toneladas) e o 82,6% dos ingresos (17,7 millóns).

Lonxa Rianxo

Rianxo foi a que rexistrou un maior crecemento tanto no número de descargas como nos ingresos. O pasado ano os pescadores da vila rianxeira extraeron 264 toneladas de berberecho, mentres que no anterior exercicio a cifra foi de 43 toneladas. Os ingresos tamén se multiplicaron por seis xa que en 2019 superaron os 1,2 millóns de euros polos 0,1 do 2018. eso deveuse a que aumentou o valor no mercado, aínda que ao principio os compradores non estaban afeitos ao estar tantos anos con pouca cantidade.

Pola sua banda a lonxa de Noia está á cabeza tanto en descargas como en volume de negocio. En 2019 os pescadores extraeron 2.143 toneladas de berberecho, un 16,6% máis que hai dous anos cando a cantidade foi de 1.837 toneladas