“Mis etapas” exposición retrospectiva do artista Manuel Romero en Ribeira

11 Xaneiro 2020

Veinteseis obras (23 óleos e 3 esculturas) conforman a exposición retrospectiva que, baixo o título “Mis etapas”, se exhibe dende a noite de onte no Centro Cultural Lustres Rivas en torno á figura do artista noiés Manuel Romero.

A concelleira de Cultura, María Sampedro, o presidente de Barbantia, Manuel Cartea, e o propio creador efectuaron as intervencións integrantes dun acto inaugural no que todos os asistentes recibiron un catálogo elaborado ao efecto para a mostra.

Manuel Romero coa concelleira de Cultura, María Sampedro e o presidente de Barbantia, Manuel Cartea

O primeiro en dirixirse ao público foi Manuel Cartea, quen dedicou boa parte do seu discurso a trazar unha semblanza biográfica do homenaxeado, comezando polo seu nacemento en Noia en 1943 no seo dunha familia moi humilde; o seu traslado á Coruña con tres anos de idade e a case inmediata morte do pai, a posterior abandono da nai, a penuria conseguinte, tendo que chegar a roubar e a pedir esmola, a inclusión no hospicio, os problemas vividos en colexios relixiosos e o servizo militar.

Despois emigrou a Londres, onde se dedica á hostalería con éxito e logo con corenta anos vive o que Cartea describiu como unha “epifanía”: comeza a estudar debuxo en escolas nocturnas, ingresa na Universidade de Kingston para cursar Belas Artes e logo conseguiu facer un Master en arte no elitista King’s College, sendo o segundo español que conseguira entrar. Logrou matrícula de honra. Exerce de profesor en Kingston e abre unha galería en Londres e triunfa como artista.

Cartea comparou a Manuel Romero a grandes tótems da pintura do século XX como Francis Bacon ou Lucian Freud, tal vez os dous autores máis representativos da neofiguración.

A continuación falou Manuel Romero, quen se sentiu agradecido pola organización desta mostra e tamén tivo palabras de gratitude e afecto para a súa dona, Esther. Dedicou a maior parte da súa intervención a explicar a evolución que viviu como escritor, adentrándose pouco a pouco nos estilos máis característicos do século XX, aprendendo e experimentando con diferentes técnicas.

Curiosamente, lembrou os tempos nos que de vez en cando “tomaba unhas cervexas” cos antes citados Francis Bacon e Lucian Freud, ademais de con David Hockney, que estudiou con el e está considerado tamén un dos grandes creadores da arte contemporánea. De todos eles destacou a súa gran humildade pese a estar xa no máis alto, sempre interesados en coñecer novas técnicas e seguir aprendendo.

Pechou a edil María Sampedro, quen amosou o orgullo do Concello por abrir o 2020 no Lustres Rivas con esta exposición e manifestou que falar de Manuel Romero é falar de “Cultura con maiúsculas.

“Mis etapas” amosarase ata o 29 de febreiro. Poderá ser visitada de luns a venres de 10 a 14 e de 19 a 21 horas e os sábados de 11 a 14 e de 19 a 21 horas.

Un dos lenzos exhibidos, titulado “Puerto de Riveira y Club Náutico”, será doado polo artista ao noso Concello.

“Mis etapas” exposición retrospectiva do artista Manuel Romero en Ribeira
“Mis etapas” exposición retrospectiva do artista Manuel Romero en Ribeira

Outros artigos

Publicidade

Revista en papel

Opinión

“Enfermedades terminales”. José Manuel Pena

“Enfermedades terminales”. José Manuel Pena

Estos últimos días las visitas al hospital fueron frecuentes para acompañara un buen amigo que se encuentra viviendo unos difíciles momentos por sudelicado estado de salud. Esta circunstancia me abrió un poco más los ojos ala realidad del sufrimiento, el dolor, el...