Tras superar o curso de formación teórico-práctico na Academia Galega de Seguridade Pública na Estrada, os dous aspirantes mellor clasificados nos procesos selectivos convocados, Javier Bragado Díez e Daniel Vidal Bravo, convertéronse oficialmente en axentes da Policía Local de Ribeira.
Na xornada de hoxe, luns 13, tomaron posesión dos seus cargos nun acto no que estiveron presentes o alcalde Manuel Ruiz; o xefe da Policía Local, José Manuel Bretal; e o concelleiro de Seguridade e Mobilidade Cidadá, Víctor Reiriz; entre outros.