Golpe Radikal, a banda hard-core de Pobra do Caramiñal, estará este sábado 25 na Pousada da Galiza Imaxinaria de Boiro presentando o seu novo traballo discográfico, Cronos. A cita será a partir das 22.00 horas e inclúe, amais do concerto de GP en si mesmo, facendo un repaso polos seus temas recentes e non tan recentes, unha festa de presentación e sinaturas de discos.
Tanto a presentación como a festa xirarán arredor de Cronos, que é o terceiro traballo de longa duración da banda, un proxecto moi persoal do grupo, madurado co apoio dos seareiros a través da plataforma Verkami e, definitivamente, a consagración definitiva de Golpe Radikal como un grupo referente da escena galega metaleira máis evolutiva, inqueda e contundente.