Feijóo enxalza a obra de Manuel Gallego, o prestixioso arquitecto que comezou a súa carreira en Corrubedo

15 Xaneiro 2020

Manuel Gallego Jorreto, o arquitecto de Carballiño que comezou a súa máis que destacada carreira construtiva en Corrubedo (Ribeira), a cabalo entre o ano 1969 e o 1970, vén de ser obxecto dun importante recoñecemento: o lanzamento do monográfico que lle adica o quinto número da revista Archives, que foi presentado hoxe pola tarde nun relevante acto institucional no que participou o presidente da Xunta, Alberto Núñez Feijóo. O titular do Goberno galego salientou a obra e a traxectoria de Gallego Jarreto, xa que “logrou superar en cada proxecto a tensión entre a arquitectura case espontánea que floreceu noutros tempos en Galicia e a evolucionada”, que sitúa á Comunidade no que sería, nas súas palabras, “o Olimpo internacional dos arquitectos”.

Vivenda unifamiliar en Corrubedo, 1969-1970 ® Manuel Gallego Jorreto.

Como dixemos, o prestixioso nome de Gallego Jorreto irá para sempre ligado á arquitectura de Corrubedo, vila mariñeira que aglutinou e segue aglutinando proxectos vangardistas dalgúns dos principais arquitectos da modernidade. No caso de Gallego Jorreto, a súa contribución veu demostrar, en plenos anos do chamado “desarrollismo”, que determinados proxectos construtivos non só non prexudican a paisaxe na que se insiren, senón que teñen o poder de mellorala e contribuír ao seu destaque. O seu exemplo de casa unifamiliar nos terreos lindeiros á praia da Ladeira, no outeiro que permite a visión das dunas, do Vilar e do Atlántico, é un exemplo perfecto desta comuñón co medio natural. Segundo fixo saber nunha entrevista recente o propio homenaxeado, “a nosa casa de Corrubedo estaba nun sitio marabilloso e é, sen dúbida, o máis rotundo dos meus edificios, é case unha ferramenta, un periscopio que ergue a cabeza para mirar, que varre o vento por detrás”.

Máis datos da presentación da revista

Durante a presentación do quinto número da revista Archives, adicada ao traballo de Manuel Gallego Jorreto, Feijóo referiuse aos numerosos premios e distincións que recibiu este arquitecto galego, destacando, entre outros, o Premio Nacional de Arquitectura en 1997 pola obra do museo de Belas Artes da Coruña, que representa, segundo explicou, “esa confluencia entre o pasado e presente tan propia do noso”. Manuel Gallego, engadiu, “axúdanos a regresar sempre a Galicia, e sempre hai na súa obra unha Galicia que nos espera”.

O presidente da Xunta concluíu facendo fincapé en que o arquitecto non se sente cautivo dunha moda, dunha escola ou mesmo das súas obras precedentes, “senón que proxecta e constrúe tendo como divisa esa teima por mellorar a vida humana”.

Outros artigos

Falece unha ribeirense de 50 anos atopada no chan da súa casa

Unha muller de 50 anos, cuxa identidade responde as iniciais T.M.M., faleceu esta noite na súa casa da céntrica Rúa Méndez Núñez, de Ribeira. Segundo informa o Diario de Arousa , foi a súa parella a que ao redor das oito do serán chamou o 112 para comunicar que non...

+

Publicidade

Revista en papel

Opinión

“Oporto”. Alberto Barciela

“Oporto”. Alberto Barciela

Oporto puede seguirse en el sentido serpenteante de un río, o en la vertical de un océano, ascenderse o descenderse por meandros encajados en calles que a veces semejan acantilados, que siempre se precipitan hacia agua, una urbe universal cerca del tiempo que le tocó...