Este sábado celébrase a Regata de Kayak de Mar Concello de Rianxo

O Club de Piragüismo de Rianxo e o Goberno local organizan esta fin de semana a sétima edición da Regata de Kayak de Mar Concello de Rianxo, unha proba abeirada á Liga Galega de Kayak da Federación Galega de Piragüismo. A regata celebrarase o 25 de xaneiro, sábado, no porto da vila, a partir das 15.30 horas. Será, segundo informa o Concello, a primeira proba da tempada da devandita liga, que desta volta correspóndelle a Rianxo, precisamente.

O programa das actividades intégrase dos seguintes puntos a ter en conta: a partir das 15.30 horas está previsto o inicio da regata e, aproximadamente, ás18.30 horas, procederase á entrega de trofeos ás máis destacadas e destacados deportistas na lonxa vella de Rianxo. A proba conta co patrocinio do Concello e coa colaboración da Deputación e Deporte Galego.