Emerxencias activa a alerta laranxa por temporal

13 Xaneiro 2020
Temporal na Ladeira, en Corrubedo, nunha imaxe de Abdón Dorca

Coa chegada deste luns 13 volve o tren de temporais e borrascas, aínda que mitigado en comparación co que asolou a costa galega as semanas pasadas. Este 13 de xaneiro o suroeste volveu soprar con forza (ventos que poden acadar forza 8 e cotas de até 100 quilómetros por hora no Barbanza, sobre todo nas zonas máis altas), traendo a consabida humidade e unha relativamente forte marusía, mar combinada do sur que virá con ondas de até sete metros. Este martes suspenderase as actividades no exterior no noroeste da Coruña. En vista do mal tempo, a Dirección Xeral de Emerxencias activa desde esta noite unha alerta laranxa por temporal costeiro. Afectará a todo o litoral galego.

A Xunta advirte que, co vento, o mobiliario urbano pode desprazarse e os restos de árbores e pólas que puideron caer á vía poden condicionar a circulación. Tamén se lle recorda á poboación “a importancia de seguir as medidas de protección como retirar os obxectos que poidan caer á rúa dende os tellados, balcóns e fiestras e evitar pasar preto de edificios en ruínas, en construción, árbores, paneis publicitarios e obxectos susceptibles de desprazarse co vento”.

Por mor do temporal costeiro, aconséllase a suspensión das actividades pesqueiras e marisqueiras como medida preventiva naquelas zonas máis perigosas: recomendación estensíbel á pesca deportiva e a outras actividades deportivas no mar.

Outros artigos

“Día das Letras Galegas 2025”. Manuel Dominguez

Andrés do Barro, cantante, compositor de soul galego, grandes éxitos dende 1975 onde as linguas do Estado foron confinadas, censuradas, ata acadar o primeiro posto nas listas dos discos máis vendidos en España tres veces seguidas: primeiro en 1969 con O trem , logo en...

+

“O Barbanza: Cinco anos de xornalismo independente”

Hai cinco anos, en maio do 2019 nacía na súa edición dixital obarbanza.gal e uns días despois na de papel O Barbanza, sempre en galego e baixo a cobertura do Grupo Código Cero Comunicación. Dicíamos daquela que eramos un grupo de profesionais decididos a aventurarnos...

+

Publicidade

Revista en papel

Opinión