O Concurso de Escaparatismo do Comercio e Decoración Hostaleira de Nadal que coorganizaron a Asociación de Empresarios e o Concello de Ribeira aglutinaron un total de 1.569 votos, de acordo co escrutinio levado a cabo no Centro Cultural Lustres Rivas por representantes de ambas entidades.
En próximas datas revelarase a identidade do negocio gañador e entregarase in situ un obsequio co que distinguir ao preferido pola veciñanza e visitantes que se animaron a participar neste certame.
Ademais, durante o escrutinio desvelouse o número do vale agraciado con 100 euros a consumir no comercio local, resultando ser o 0651. Para poder recibilo, a persoa gañadora debe achegarse antes do 10 de febreiro á sede da Asociación de Empresarios e presentar o boleto co número premiado, en horario de luns a xoves, de 09.00 a 14.00 e de 16.30 a 19.30 horas, e o venres en horario continuado de 09.00 a 15.00 horas.
Así mesmo, saíron como suplentes os números 1929, 0039, 1952, 0856 e 0512.
